Skokkhópur Fjölnis

Kjörorð: "Hress og kát á hreyfingu"

Þjálfari: Erla Gunnarsdóttir íþróttakennari BSc íþróttafræðingur,  með áherslu á heilsuþjálfun
Sími: 587-7158 og  892-7158
Netfang: erlagu@internet.is
Vefsíða: http://www.skokk.com

• Hópurinn hefur verið starfræktur óslitið frá því í september 1992  
• Æfingar eru frá Hamraskóla á mánudögum og miðvikudögum kl. 17:30.
• Á sumrin er að auki hlaupið frá sundlauginni kl 18:00 á fimmtudögum. 
• Byrjað er á upphitun og hlaupið síðan eftir áhuga og getu um Grafarvoginn, Elliðaárdalinn og jafnvel víðar, en við erum mjög vel sett með góðar og fjölbreyttar hlaupaleiðir á göngustígum. Eftir 30 - 50 mín (fer eftir veðri og árstíma) hittist hópurinn aftur við Hamraskóla þar sem farið er inn og gerðar teygjur, styrkjandi æfingar og endað á stuttri slökun. 
• Í vetur er boðið upp á þrekhring í sal á föstudögum kl. 18:00 - 19:00. 
• Hópurinn samanstendur af fólki á mismunandi getustigi,  svo það ætti að vera auðvelt að koma inní og finna hlaupafélaga á sínu tempói. 
• Byrjendur eru alltaf velkomnir og fá þá áætlun til að fara eftir sem byggist á því að ganga og skokka til skiptis.
• Þeir sem eru komnir með góðan grunn taka sig saman um helgar,  yfirleitt á laugardögum  og hlaupa þá  lengra og rólegra hlaup. 
• Bent er á að á heimasíðunni okkar www.skokk.com er sett inn vikulegur pistill frá þjálfaranum, auk áætlunar vikunnar þar sem gefin er upp hvaða leið er farin og áherslur þeirrar viku (þetta finnið þið undir linknum áætlun vikunnar á síðunni).

Hópurinn ásamt Frjálsíþróttadeild Fjölnis stendur fyrir almenningshlaupi 1. maí, Olíshlaupinu og hausthlaupi í september.
Félagslífið er blómlegt og dagskráin er brotin upp nokkrum sinnum á ári með ýmsum uppákomum, stórum og smáum.

Það eru allir hjartanlega velkomnir að stunda skokk sem líkamsrækt með okkur því:

“Musteri sálar manni er skylt
að miðla hvers kyns þokka.
Ef hugfrjór hraustur verða vilt
víst þú átt að skokka.”
 

Upplýsingar frá 13. júlí 2004.